EGUNGO EGOERA42 URDULIZ

42 Urdulizek, Telefonica Fundazioak eta Bizkaiko Foru Aldundiak bultzatutako programazio-campusak, STEAM Euskadi zigilua jaso du STEAM Sarietan parte hartzeagatik, bere ekimenetako birekin: Piscine Discovery Web – Women ‘s Edition eta adimen artifizialean hasteko tailerra.

STEAM Euskadi zigilua

STEAM hezkuntza izaera nabarmena izateagatik aitortutako ekimenei ematen zaie, hau da, bokazio zientifikoak eta STEM helburu profesionalak sustatzea eta ikasleen STEAM trebakuntza hobetzea helburu duten ekimenei. STEAM Sariak Eusko Jaurlaritzako Hezkuntza Sailak antolatzen ditu, Innobasque, Berrikuntzaren Euskal Agentziarekin lankidetzan.

Campuseko ekimenak

• Piscine Discovery Web – Women ‘s Edition: 5 eguneko prestakuntza-esperientzia da eta 42 metodologia berritzailearen bidez web-programazioarekin lotutako ezagutzak eskuratzea du helburu. Kasu honetan, emakumeentzako prestakuntza baino ez da.
• Adimen artifizialean hasteko tailerra: 3 orduko jarduera bat da eta bertan, campusa eta haren metodologia ezagutzeaz gain, parte-hartzaileek modu ludiko eta praktikoan jakingo dute teknologia horiek zertan dautzan eta nola entrenatzen diren.

42 Urdulizetik, eskerrak eman nahi dizkizugu sari honengatik.